Aircooled VW South Africa

Beampte versper glo verkeer ‘vir niks’
ALET JOUBERT
01/04/2009 09:51:03 PM - (SA)
Port Elizabeth. - ’n Ongepoetste verkeersbeampte het mnr. Chris de Beer (39), ’n ¬makelaar van Kabegapark, smoorkwaad.
De Beer was op pad na die bank toe ’n verkeersmotor die verkeer in Kempstonweg versper het deur op die rooi lyn te parkeer.
“Ek het by ’n parkeerterrein stilgehou. Die verkeersman het 20 minute in sy motor gesit. Toe ek hom daarop wys dat hy die verkeer ophou en vra wat hy daar doen, het hy gesê dit het niks met my te doen nie.”
Toe De Beer met sy selfoon ’n foto neem, wou die verkeersbeampte weet waarom. De Beer het die beampte gevra om homself te identifiseer. Hy het glo geweier.
“Hy’t vir my gesê ek moet f—off en sy kollegas oor die radio geroep.” Volgens De Beer het vyf verkeersvoertuie opgedaag.
“Toe ek vir hulle sê hierdie ou (die verkeersbeampte) wil nie skuif nie, wou hy skielik weet: ‘Who’s your ‘hierdie ou’ – why don’t you use my name?’”
De Beer sê nie een van die sewe verkeersbeamptes op die toneel wou hulself identifiseer nie.
“Die man wat oorspronklik nie wou skuif nie, was toe baie dapper en het sy vinger in my gesig gedruk en gevloek.”
De Beer se broer Jean het hom oorreed om die saak daar te laat.
“As ek lelik was met die man sou ek nog verstaan, maar sy houding was een van ‘I am the law’.”
Mnr. Ncedo Kumbaca, vervoerwoordvoerder in die Oos-Kaap, het gesê die publiek moet die betrokke verkeersdepartement in kennis stel van enige verdagte optrede deur beamptes.
De Beer sê hy het die verkeersdepartment gebel om die saak aan te meld, maar die verkeershoof was nie daar nie.

...het mnr. Chris de Beer (39)

Blitzkrieg wrote:I call April's Fools once again

Pine wrote:

Blitzkrieg wrote:I call April's Fools once again

Yeah, right

http://www.dieburger.com/Stories/Streek ... 78917.aspx